Jakka 1

Her kjem første rapport om den nye, raude kåpa mi. Eg kjøpte ei raud kåpe for over 6 år sidan som eg har likt veldig godt, men nå har eg etter kvart måtta innsjå at den var utsliten... Sorga var stor, heilt til eg kom på at eg med min fortsatt ganske nye symaskin, kunne laga meg ei ny! Ein tur på Stoff og stil i haust resulterte i mønster og stoff til denne kåpa:

Eg begynte på prosjektet i julaferien og heldt fram då eg var heime forrige helg. Nå har eg teke det med meg til Bergen slik at det går litt raskare å bli ferdig. Stoffet er av filt, 50% ull og 50 % syntetisk. Det er krussedullar på den eine sida av stoffet, fant ut at det kan bli litt voldsomt om eg har det på heile kåpa. Difor har eg snudd nokre av delane slik at desse er einsfarga. I overgangane skal det syst på fløyelsband, det er så langt eg har komt nå. Det tar litt tid, må tråkla dei på for hand først.

Eg har aldri laga klede før, så det er ganske spennande, og eg lurer på korleis det ferdige resultatet blir! Mønsteret er heldigvis ikkje alt for vanskelig, og sidan eg syr i filt som ikkje kan rakna, så slepp eg å stressa med kasting rundt stoffkantar og slikt :-D

Barnepiken

Har nett lese ei bok som var veldig god; Barnepiken av Kathryn Stockett:

Handlinga finn stad i sørstatane i USA på 60-talet, nærare bestemt i Jackson, Mississippi. Boka fortel om farga hushjelper/barnepiker i dei fine heimane der nede, kvardagane deira og kva dei må finna seg i i det segrererte samfunnet. Ei ung, kvit dame byrjar å stilla spørsmål til raseskillelovane som styrer samfunnet og ynskjer å setja fokus på det ved å skriva om dei farga hushjelpene. Dette viser seg å vera vanskelegare å få til enn ho trur.

Det er ei veldig spennande og fascinerande bok. Utrulig kva hushjelpene/barnepikene måtte finna seg i, samtidig er det skremmande kor langt dei kvite fruene kunne vera villige til å gå for å behalda dei fine fasadane sine. Men mellom urettferda får ein også høyra gode og rørande historier.

Ei bok det er vel verdt å lesa! :)

I helga skal eg til Imsland, kanskje eg rekk å sy litt på den raude kåpa eg har som prosjekt hima? Bilete og rapport følgjer seinare:)

bestemorteppe

Etter cirka 10 år (!) er endeleg bestemoteppet ferdig!


Begynte ein gong på vidaregåande med ein pose restegarn som eg skulle hekla opp. Forstod etterkvart at eg måtte ha GANSKE mange ruter for å få eit heilt teppe, og mista nok litt motet. Ikkje heilt gjennomtenkt i starten. Teppet har rett nok lege brakk i månadsvis og kanskje til og med år om gangen. Det har vore med frå Imsland til diverse hyblar i Trondheim og deretter til Bergen. Det siste året har eg hatt to periodar med intenst arbeid for å få det ferdig! Men det har vore mykje arbeid, meir enn eg trudde det skulle bli. Berre å festa alle trådane og sy det saman tok evigheter... Jammen bra eg er sjukemeldt, slik at eg får gjort unna slike ting, hihi:)

Her er samlinga med ferdige ruter. Totalt 180 stk, med 10 trådar å festa på kvar...

Etter kvart vara trådane festa og eg kunne legga det ut og prøva å fordela rutene slik at det ikkje vart klynger med same farge. Hadde meir eller mindre hell med dette, måtte justera litt undervegs i samansyinga;-P Ingen ruter er like, med unntak av to eller tre. Det er også brukt ulikt garn; ein del restegarn av ulik kvalitet og ein del innkjøpt garn av ulike merke. Så nokre ruter er større enn andre. I tillegg har eg brukt litt for tynn heklenål, slik at rutene er rimeleg kompakte. 

Til slutt hekla eg ein svart kant rundt; tre rundar med stavar og luftmasker og til slutt ein med fastmasker. Teppet er allereie i bruk i sofaen ;-)

Det verste er at eg godt kunne tenka meg å laga fleire slike teppe, men trur ikkje eg orke å begynna på eit med ein gong. Det er nemleg veldig fint med bestemortepper med kvite kantar... Men viss det blir aktuelt skal eg bruka ei tjukkare heklenål slik at rutene vert større og mindre kompakte, då kan eg gjerne klara meg med færre ruter...! Me får sjå!