sengeteppe!

Eg ryddar i skuffer og skåp og har nå dratt fram og ferdigstilt eit anna nesten-ferdig-prosjekt. Eg byrja på eit sengeteppe i sommar, skreiv om det eit par gonger på den forrige bloggen. Så vart det bråstopp på seinsommaren då eg berre hadde montering av bakstykke og lukkekant igjen. Det har eg gjort noko med nå:

(Obs, trur det er noko gale med bloggen, får ikkje fram bileta... skal prøva og fiksa det)

Dette teppet skal me ha i Sauda. Det ser litt knapt ut på lengda, men det er fordi det er hovud- og fotgjerde på senga der, slik at teppet ikkje skal henga utføre kanten.

Eit nærbilete av stoffa. Har kjøpt alle stoffa på ein quiltebutikk i byen, så det er av flott (og dyr...) kvalitet. Kan ikkje laga så mange slike teppe, då må nok stoffa kjøpast på Stoff og stil, hihi:) Men har du lyst, har du lov av og til!! 

Teppet var ganske stort å hanskast med på slutten, og eg måtte få litt hjelp av mamma og Bård Aslak til å halda når bakstykket skulle nålast fast. Likeeins når det skulle syst på maskin, det stoppa berre opp dersom ingen var med og drog i den andre enden:)

Til slutt fekk eg sydd på ein himalagt-lapp, må jo ha det:) Og bakstykket som de også ser på dette biletet er veldig fint, nesten like fint som framsida synest eg:) Det var glede i heimen då eg fann det på butikken, trudde berre det fantest kvite bakstykke før dette kom fram i lyset!

Jakka 2

Nå er det lenge sidan sist innlegg, ein kombinasjon av latskap og at dataen min tok kveld for eit par veker sidan. Men nå har me fått inn ein reservemaskin, og eg er i gong igjen:)

Til slutt vart den raude jakka også ferdig!

Eg har til og med sydd fór i den, men det har eg ikkje bilde av. Det var eit putlearbeid, og eg angra av og til på kvifor eg gjorde det, det stod jo eigentleg ikkje i mønsteret.... Men når mamma sa at eg burde gjera det, så var det vel lurt då:) Så jakka er glatt og fin inni, unntatt i armane. Detalj av knappane og fløyelsbandet:

Min erfaring etter å ha sydd mitt første klesplagg etter stoff-og-stil-mønster, er at dette ikkje var så vanskeleg som eg alltid har forestilt meg. Og sidan eg var litt nøye (også etter påtrykk frå mamma :) ) og tråkla før eg sydde på maskin, så trengte eg berre å ta opp igjen saumar eit par gonger ;oP Litt ekstraarbeid med å tråkla og sy på fløyelsband, men dette gjekk også radigare enn venta. Dei var så stive at dei la seg fint når eg sydde på maskina.

Nå må eg skynda meg og bruka jakka før det blir for varmt i vêret:) I dag var me på ein ørliten skitur på Bontveit, det var sol og varmt og påskestemning, så me er klare for våren!