sol!

Endeleg kom det ein soldag! Rett nok litt grå frå starten, men yr hadde lova oss godver, så Elin og eg tok turen til Skarfoss for å sjå korleis det går med hyttebygginga.

Elin med utsikt tilbake mot Breikvam/Sauda:

Utsikt mot Skarfoss, ein anelse lysare i veret:)

Til slutt var det klår himmel og sol, og me fekk oss til og med eit bad i Krokavatnet!! Det første badet i sommar, og det på 900 meters høgde ;oP

Eg har putla litt med handarbeid i sommar, tok med eit par lappetepper him som eg har tenkt til hytta. Her har eg lagt ut det eine for å montera vatt og bakstykke. Deretter har eg klipt rundt kanten etter at eg har festa alt saman.

(nå når eg lastar opp bileta seg eg faktisk at eg har gjort ein feil...

men eg seier ikkje kva, sjå om de også ser det;) Eg trur ikkje eg rettar det opp;-P )

Eg kjøpte vatt på internett, og henta ein pakke på storleik med ein siloball i Vikedal (men me fekk den inn i Yarisen!! ). Men vatten eg fekk i posten var likevel ikkje heilt slik eg hadde sett den for meg: For det første var den veldig tjukk, slik at det var veldig tung og balen å jobba med. Elin var så grei å hjelpa meg å retta den ut og dra i det etterkvart som eg sydde slik at det ikkje hopa seg opp. Teppene vart sjåande meir ut som tynne sommardyner enn lappetepper;)  Men men, det kan vera kaldt på fjellet, så det går vel godt!

Vatten loa også noko så forferdeleg, så eg prøvde å få gjort mest mogleg ute. Likevel såg det ut som me hadde klippt sauer i heile huset etter eg var ferdig med å sy på lukkekantane, så det var jammen godt mamma og pappa var på ferie;oD Nå må eg berre få lukka kanten med handsaum, det tek litt tid...! :)